தங்கரதம் சிங்கரதம் மங்களமாய் பொங்கிவரும் அம்பிகையே!!!!

தங்கரதம் சிங்கரதம் மங்களமாய் பொங்கிவரும் அம்பிகையே!!!!
நிதிஷ் செந்தூர் அவர்களின் உழைப்பில் உருவான "ஆடிடும் சூலம் " இசை வட்டில் உள்ள வீரமணிதாசன் அவர்களால் பாடப்பெற்ற நமது சௌடேஸ்வரி பாடல் ..................

85 .சோமகல்ய மகரிஷி கோத்ரம்

மகரிஷி வரலாறு புலப்படவில்லை.

வங்குசப் பெயர் விளக்கங்கள்

பாலேலாரு :- வேணுகோபால சுவாமியை வழிபடுபவர். பாலாபரமேஸ்வரியை வழிபடுபவர். 

பாலேலாருக்குள் சில பிரிவுகள். 

காமாட்சியம்மனை வணங்குபவர் காமாட்சி பாலிலாரு என்றும் 

புளியமரத்தடியில் வீட்டு தெய்வ வணக்கம் செய்பவர் உணிசமர பாலிலாரு என்றும் 

சங்கர நயினார் கோயிலில் வீட்டுத் தெய்வ வணக்கம் செய்பவர் சக்கர்குடிபாலிலாரு என்றும் சங்கரங்குடிபாலிலாரு என்றும் அழைக்கப்படுகின்றனர். 

இவர்கள் சங்கர நயினார் கோயிலில் அறுபது கூடி வணங்குவதை வழக்கமாகக் கொண்டவர். 

திருச்செங்கோடு அர்த்தநாரீஸ்வரரை வீட்டுத்தெய்வமாக வணங்குபவர் திருச்செங்கோடு பாலிலாரு என்று அழைக்கப்படுகின்றனர். இன்னும் மநுமகரிஷி கோத்திரத்தினுள்ளும் பாலிலாரு என்ற வங்குசம் இருக்கின்றது. மநுமகரிஷிகோத்ர பாலிலாரு சேலத்தில் பலர் வசிக்கின்றனர்.

தகவல் சேகரிப்பு தேவாங்க குல மக்களுக்கு

தகவல் சேகரிப்பு
தேவாங்க குல மக்களுக்கு வணக்கம்.

இன்று தகவல் பரிமாற்றத்தால் நம் குல மக்களிடம் ஒரு எழுச்சியை காணமுடிகிறது. இதை வைத்து நாம் அனைவரும் ஒருங்கினைந்து செயல் பட முயற்சி செய்து பார்க்கலாம்.

நம் குல தெய்வமான ஶ்ரீ இராமலிங்க செளடாம்பிகை அம்மனை(photo)  சில ஊர்களில் வீட்டில் வைத்து கும்பிடுகிறார்கள். சில ஊர்களில் வீட்டில் வைத்து கும்பிட கூடாது என்கிறார்கள்.

நம் குல மக்கள் தங்கள் ஊர்களில் அம்மனை வீட்டில் வைத்து கும்பிடுகிறீர்களா, இல்லையா என்பதை ஊரின் பெயரை குறிபிட்டு தங்கள் ஊர்களில் எப்படி என்பதையும். கும்பிட்டுவது இல்லை என்றால். பெரியவர்களிடம் விசாரித்து காரணத்தை இதில் குறிப்பிடும் படி அன்புடன் கேட்டுக் கொள்கிறோம்.

சில ஊர்களில் சிம்மவாகனத்தில் அம்மன் இருப்பதால் வீட்டில் வைப்பதில்லை என்கிறார்கள். சில ஊர்களில் நாம் ஆச்சாரமாக இருக்க வேண்டும். அதில் சிறிய தவறு செய்தாலும் அம்மன் தண்டித்து விடுவார். என்ற பயத்தின் காரணமாக வீட்டில் வைப்பது இல்லை என்கிறார்கள்.

அனைவரும் இதில் கலந்து கொண்டு விபரம் தெரிவித்தால். அனைவரின் கருத்துக்களையும் நம் குல குருஜி, மற்றும் விபரம் அறிந்த நம் குல பெரியோர்களிடம் ஆலோசித்து அதற்குண்டான மாற்றங்கள் செய்ய முயற்சி செய்ய முடியும்.

-------  திரு.ராஜரத்தினம் ,கரூர்

84 .சோமோத்பவ மகரிஷி கோத்ரம்

மகரிஷி வரலாறு புலப்படவில்லை.

வங்குசப் பெயர் விளக்கங்கள்

கந்தம்தவரு :- கந்தம் = வாசனை. நறுமணப் பொருள்களில் விருப்பம் கொண்டவர். ஆலயங்களுக்கு வாசனாதி திரவியங்களைத் தருமமாகக் கொடுப்பவர். 
சிருங்கிதவரு :- சிருங்கி - மான்; சிருங்கி மகரிஷியையும், மானின் இயல்புகள் கொண்டவளாக வேதங்களால் வருணிக்கப்படும் ஸ்ரீ தேவியை வீட்டுத் தெய்வமாக வழிபடுபவர். ஸ்ரீ சூக்தம் "ஹரிணீம்" என ஸ்ரீ தேவியை அழைக்கும். 
பாலதவரு :- வேணுகோபால ஸ்வாமியை வழிபடுபவர். 
புனுகுதவரு :- புனுகுப் பூனையை வளர்ப்பவர். ஆலயங்கட்குப் புனுகினை வழங்கியவர். 
வார்த்ததவரு :- வார்த்தையாடுவதில் வல்லவர். பேச்சுக்கலையில் வல்லவர். சொன்ன சொல்லைக் காப்பவர். 
கட்டுதவரு, பெத்தனதவரு, வாசதிதவரு, குட்டுதவரு, பைள்ளதவரு, கோரகதவரு, போதுலதவரு, தாசரிதவரு, முனகதவரு, பாதலதவரு, வசந்ததவரு.

83 .சோமேந்திர மகரிஷி கோத்ரம்

மகரிஷி வரலாறு புலப்படவில்லை.

வங்குசப் பெயர் விளக்கங்கள்

கள்ளினதவரு :- கள்ளிச் செடியின் கீழ் வீட்டுத் தெய்வத்தை வழிபடுபவர். 
கன்சிதவரு :- ஸ்ரீ கன்சியைப் பூர்வீகமாகக் கொண்டவர். 
துப்பட்டிதவரு :- துப்பட்டி நெய்தவர்.